ಮನದ ಮೌನ 

ಮನದ ಹುಚ್ಚು ಕನವರಿಕೆಗಳ
ಪಟ್ಟಿ ಮಾಡಿ ಅವನಿಗೆ
ಕೊಡಬೇಕೆಂದುಕೊಂಡಾಗ
ಮನ ಮೌನದ ಮರೆಗೆ
ಸರಿದಿತ್ತು.....

ಅವನೊಂದಿಗೆ ಕಳೆದ ಆ ಮುದ್ದು
ನೆನಪುಗಳ ಕದ್ದೊಯ್ದು ಅವನೊಡನೆ
ಕದ್ದಾಲಿಸುವ ಎಂದುಕೊಂಡಾಗ
ಮನ ಮೌನದ ಮರೆಗೆ
ಸರಿದಿತ್ತು.....

ಹೊಸತೇನನ್ನೋ ಅವನಿಂದ ಬಯಸಿ
ಅವನಲ್ಲೇ ಲೀನವಾಗಬೇಕೆಂಬ
ಬಯಕೆ ಮೂಡಿದಾಗಲೇ
ಮನ ಮೌನದ ಮರೆಗೆ
ಸರಿದಿತ್ತು.....

ಏಕಾಂತದ ಸಂಜೆಯಲಿ ಕತ್ತಲೆಯ ಬಾಳಿನಲಿ
ನಂದದ ದೀಪವಾಗಿ ಕೈ ಹಿಡಿದು
ಜತೆಯಾಗು ಎಂದು ಹೇಳಬೇಕೆಂದಾಗ
ಮನ ಮೌನದ ಮರೆಗೆ
ಸರಿದಿತ್ತು.....

- ಉಷಾ ಬೆಕ್ಮನೆ