ಬದುಕು

ಬದುಕು 

ಜಿಟಿಪಿಟಿ ಮಳೆಯಲಿ
ಈ ತೀರದ ಮಣ್ಣಿನ
ಗಂಧವನ್ನು ಆಘ್ರಾಣಿಸಿ
ಕೋಟಿ ಬಣ್ಣದ ಕಲ್ಪನೆಯಲ್ಲಿ
ಕವಿತೆ ಒಂದನ್ನು ಕಟ್ಟಿ
ಹಾಡದೆ ಅದೆಷ್ಟು ಕಾಲವಾಯಿತು ?

ನೀನಿಲ್ಲದೆ ಈ ತೀರ ಮೌನವಾಗಿತ್ತು
ಈಗಷ್ಟೇ ಮನದ ವಿಸ್ಮಯ
ಲೋಕದ ಬಾಗಿಲು ತೆರೆದು
ನಿನ್ನ ನೆನಪಿನರಮನೆಗೆ ಅಡಿಯಿಡುತ್ತಿರುವೆ
ನನ್ನಲ್ಲಿ ಬಣ್ಣದ ಕಾರ೦ಜಿಯನು ಮೂಡಿಸುತಿವೆ
ನಿನ್ನೀ ನೆನಪುಗಳು

ಒಂದು ಚೂರು ಒಲವು
ಒಂದು ಹಿತವಾದ ಕವಿತೆ
ಬದುಕು ಇನ್ನೂ ಅರಳಬೇಕಿದೆ
ಕಣ್ಣುಗಳಲ್ಲಿ ಮಿಂಚಿನ ಹಾಡು ಗುನುಗಬೇಕಿದೆ
ರಾಗ ಹರಿಯಬೇಕಿದೆ ಸರಾಗವಾಗಿ
ನದಿಯಾಗಿ, ಮತ್ತೆ ಬದುಕಾಗಿ
ಹೌದು, ಬದುಕಾಗಿ.......